Ginys

JOURNÉE DE LA FRANCOPHONIE- ENGLISH DAY

admin25/04/25  

Aué, toti es escolans de 6au de primària dera Val d’Aran s’an trobat en Palai d’Espòrts de Vielha entà gaudir d’ua jornada plea d’activitats en lengua anglesa e francesa. Aguestes an estat dinamizades pes escolans/es de 4au d’ESO der Institut d’Aran, que les an guidat damb entosiasme e responsabilitat. A estat ua grana oportunitat entà practicar lengües estrangères d’ua manèra ludica e collaborativa. Era jornada a acabat damb era representacion d’ua òbra de teatre en lengua francesa, qu’a agradat fòrça a toti es assistents. Ua experiéncia fòrça enriquidora entà toti!

LIBRES E RÒSES

admin24/04/25  

Aguest Sant Jòrdi, com ja ei tradicion, cada escolan/a deth centre s’a emportat un libre coma present dera escòla  entà seguir en tot fomentar eth gost pera lectura. Tanben an pogut emportar-se en casa es manualitats qu’an premanit aguesti dies damb illusion e un punt de libre fòrça especiau, aufrit pera ZER.

PÒNT DER AMOR

admin24/04/25  

Ager viuérem ua jornada fòrça especiau. Toti es escolans/es deth nòste centre pugèrem tà Salardú entà trobar-mos damb era rèsta d’escolans/es dera ZER. Amassa compartírem ua estona plea de complicitat, arridalhes e activitats, en tot celebrar era jornada de Sant Jòrdi d’ua manèra fòrça simbolica.

Com que Sant Jòrdi ei tanben eth dia der amor e era amistat, volérem deishar-i ua petita emprenta. En tot seguir era tradicion d`’auti endrets, pengèrem laci damb es nòsti nòms en pònt der amor, en tot crear un murau viu e colorit que simbolize es ligams que mos amassen. Gràcies a toti qu’ac hèren possible!

 

SANT JÒRDI MUSICAU

admin23/04/25  

Aué, jornada de Sant Jòrdi, auem agut ua visita fòrça especiau ena escòla. Era mèstra Alba Orrit a vengut a explicar-mos un conde alternatiu de Sant Jòrdi, plen d’imaginacion. Ath delà, a compartit cançons damb es escolans/es, qu’an participat encantadi en tot tocar estruments de musica e en tot acompanhar es istòries damb fòrça ritme e entosiasme. A estat ua activitat fòrça polida que a combinat literatura, musica e creativitat. Gràcies, Alba, per hèr-mos víuer un Sant Jòrdi diferent e fòrça especiau!

CONDEZER 2025

admin22/04/25  

Aué, 22 d’abriu, s’a hestejat ua naua edicion des premis CondeZER, en tot trobar-mos toti es escolans/es dera ZER en Arties. Eth grop ‘Somriures Nòmades’ a aumplit eth maitin d’alegror e energia, en tot animar era jornada damb activitats plees de valors e ritme. Auem compartit es nòsti desirs e aportat aliments a qui mès ac a de besonh. Tanben s’an autrejat es prèmis literaris e de diboish e entà acabar s’a plantat er arbe des desirs des mainatges e mainades dera ZER un simbèu d’esperança e illusion compartides.

TALHÈR FAMILHES PRIMAUERA

admin22/04/25  

Diuendres 11 d’abriu ena tarde compartirem ua estona fòrça especiau damb es familhes en un talhèr a on se hèren minjadères tàs audèths e se decorèren pòts de flors. Siguec ua activitat creativa e enriquidora que permetec gaudir amassa d’ua estona diferenta. Fòrça gràcies a totes es familhes que i participèretz.

 

MONA 2025

admin22/04/25  

Eth dia abans des vacances hestegèrem amassa era arribada dera Pasca en tot hèr era tradicionau mona. Toti es escolans/es participèren damb fòrça illusion ena sua premanida e decoracion. Dempús la compartiren tà esdejoar.  Un moment doç e especiau entà acabar eth trimèstre.

TRABALHS PASCA

admin22/04/25  

Es setmanes abans des vacances dediquèrem diuèrses estones a hèr manualitats de Pasca. Sigueren activitats fòrça divertides que permeteren as escolans e escolanes exprimir era sua creativitat en tot preparar-se entàs hèstes.