Era setmana passada mos visitèc eth senhor Magràs e entre toti liegérem eth sòn discors. Ath delà cada dia mos presentaue es ordres qu’auiem de complir londeman (pijama, maquilhatge, pientats divertits, gòrros, crabates…). Siguèren uns dies plan divertits qu’acabèren fin finau diuendres damb ua grana hèsta en Salardú damb toti es escolans/es dera ZER. Aquiu hèrem un passavila damb era charanga ROVELL D’OU e dempús d’esdejoar barèrem e cantèrem. Aprofitam tà arregraïr ar Ajuntament deth Naut Aran era sua implicacion un viatge mès enes activitats escolars. Pera tarde hèrem un passavila per Gessa a on cantèrem cançons as nòsti vesins que mos aufriren galetes. Ara ja s’a acabat Magràs e mos premanim entà arrecéber lèu era visita dera Vielha Quaresma. En aguest enlaç traparatz es fòtos d’aguesta setmana.
Enllaços educatius
