Pendent era darrèra setmana es escolans/es de Primària comencèren a participar enes gessudes programades des dera ZER. Gaudiren dera companhia des sòns companhs/es des autes escòles en tot visitar Esterri d’Àneu e Isil. En Esterri anèren tà Casa Gassia, que mantèn era sua estructura originau, un emplaçament ideau entà ensenhar es singularitats dera vida familhara e er espaci domestic pendent era prumèra meitat de sègle XVIII enes vals des Pirenèus. En Isil visitèren era Casa der Os, un espaci unenc de divulgacion e sensibilizacion ath torn des espècies mès emblematiques d’aguestes zònes. Un musèu que neishec damb er objectiu de conscienciar dera importància de conservar aguest singular e meravilhós animau, e de conéisher, en prigonditat, era sua relacion damb es abitants deth parçan e deth sòn entorn. Es explics des visites les hèren es professionaus deth Camp d’Aprendissatge des Vals d’Àneu. En aguest enlaç poiratz veir es fòtos.