Ager, dijaus 20 de mai, auem hèt era nòsta prumèra gessuda de tot eth dia. Auem pujat en minibus, e Aleix mos a portat direccion Aran Park en Bossòst. En còr des Pirenèus, auem decorbit era fauna sauvatja des montanhes en tot recórrer eth parc de fauna dera Val de Aran. Mos a permet observar animaus en semi-libertat: os, gatilop, nutries, lop blanc, lop de Canadà, marmotes, buitres, grani cèrvis, íbices e d’auti de montanha presents en sòn entorn naturau.
En prumèr lòc, felicitam a Gemma, era guia deth park, pera sua professionalitat e, era sua didactica ara ora d´explicar-mos es caracteristiques des animaus. Mos a aufrít ua presentacion sus es sues caracteristiques: eth sòn còs, era sua alimentacion, era reproduccion, es desplaçaments… e, dempús un talhèr manipulatiu de còrnes, cranis, pèu e pautes des animaus, a estat fòrça productiu. Un còp acabat aguest talhèr auem hèt un aute de peades tamb hanga. Cada mainatge e mainada s´a emportat a casa un rebrembe dera peada deth sòn animau preferit. Gemma mos a acompanhat ath long de tot eth recorregut e, a anat contestant as preguntes que les anaven diden sus es animaus, a estat fòrça instructiu. Fòrça gràcies Gemma! Auem pogut veir d´apròp fòrça animaus sauvatges. Dempús de dinar auem visitat era minigranja, auem vist: garies, poths, conilhs e, auem pogut dar de minjar as crabes.
A estat un dia diferent e ben divertit entre es animaus deth park! Mos ac auem passat super ben! Familhes vos animam a visitar aguesta fascinat escòla dera natura!
Ací vos deisham quauques moments dera gessuda Gessuda Aran Park
