Dijaus 5 de noveme, tas 20.00, er informatiu “InfoK”, deth canau Super3, presentat per Núria Vilanova, aufrirèc ua edicion especiau, que s´explique damb detalh qué son es virus e es vacunes. E en tot tier en compde era situacion actuau, se harà especiau atencion as investigacions entà trobar era vacuna dera Covid.
Er informatiu infantil e juvenil deth canau Super3 sajarà arrespóner ua des granes qüestions que se hèn es mainatges e es mainades actuauments: quan arribarà era vacuna dera Covid?
Eth programa a parlat damb er investigador e divulgador scientific, Salvador Macip, que trabalhe ara Universitat de Leicester, en Reine Unit, e qu’explique quines investigacions se hèn actuauments sus tractaments e vacunes dera Covid. Macip destaque que, peth prumèr còp ara istòria, fòrça equipes de scientifics e investigadors d’arreu deth mon trabalhen entà trobar solucions e frenar eth virus.
Eth “InfoK” tanben a visitat un grop d’escolans dera escòla Nausica de Barcelona, qu’expliquen tot çò que saben sus es vacunes e es fases e procèssi que se les cau seguir entà poder-les comercializar. Ei un trabalh qu’an hèt ena aula damb era ajuda d’expèrts.
Aguest programa tanben includirà un vidèo animat entà esclarir qué son es microbis, es bacteries e es virus, e com actuen. Aguesta animacion tanben detalharà es manères de combàter un virus que mos infècte e mostrarà coma actue ua vacuna ath nòste còs.
Atau madeish, eth format “Piriscopi” harà ua cronologia dera istòria des virus ena umanitat.
Poderatz veir eth video se clicatz era imatge.