CORNÈRS DE LENGUA
09/02/23Era mainadèra de Cicle Iniciau an aprenut diuèrsi concèptes dera lengua e refortilhat era lectòescritura a trauèrs de diferenti cornèrs.
Les podetz veir aci dejós.
ES PÈISHI PER LAGUENS A TRAUÈRS DE MAQUETES
09/02/23Era mainadèra de Cicle Iniciau a trabalhat es pèishi.
A compdar des sòns dobtes e preguntes sus aguesti èsters vius a gessut era curiositat entà saber coma son per laguens.
Tà poder resòlver aguesta curiositat auem trabalhat es diuèrses parts des pèishi per laguens a trauèrs der esquelet, der aparelh digestiu e excretor, er aparelh circulatòri e er aparelh respiratòri e era voisheriga natatòria.
Atau, a compdar de petiti tèxti e era manipulacion a trauèrs de pèces desmontables des diferentes parts deth pèish, an acabat en tot bastir es sues pròpies maquetes.
Aci baish podetz veir en imatges eth trabalh realizat pes diferenti grops.
ETH SENHOR “MÈSGRANQUEMÈSPETITQUE”
09/02/23Ena classe de prumèr auem coneishut ath senhor “Mèsgranquemèspetitque”.
Aguest senhor a era forma d’ua boca, coma se siguesse un cocrodil, tamb moltes dents e ua istòria plan curiosa. Se ve que li shaute un pialèr minjar-se es numeròs. Mès non quinsevolh… Ada eth sonque li shaute minjar-se es numeròs mès grani.
Mès era sua istòria ei fòrça mès longa pr’amor que non li shaute codinar e tostemp minge en restaurants… Se la voletz saber sancera segur que bèra mainada o bèth mainatge de prumèr vos la pòt explicar.
Eth senyor Mèsgranquemèspetitque mos a ajudat un pialèr entà apréner a comparar numeròs e a saber quin ei eth numèro mès gran o eth mès petit.
Campatz-le, l’auetz aci!
BONES VACANCES D’IUÈRN!
21/12/22
Arriben uns dies de hèsta entà toti e totes. Des dera escòla, coma ja sabetz, auem compartit eth valor dera solidaritat damb es persones qu’auem ath torn. Damb era complicitat damb aqueri e aqueres que an besonhs que nosati podem suavizar.
Mès non sonque auem d’èster solidaris en aguesti dies: a d’èster tot er an!
Damb era nòsta familha, damb eth vesin, damb aqueth que mos cruzam en carrèr tot soent, damb eth qu’ei luenh, damb eth malaut, damb es animaus… Toti auem besonhs qu’es auti mos pòden balhar, ja siguen materiaus o emocionaus.
Nosati volem apropar-mos as nòstes familhes, as escolans e a toti era comunitat educatiua entot compartir eth vidèo dera hèsta de finau de cors qu’acabèrem en junh. Aquera hèsta que tanben embarre fòrça valors, qu’embarre es emocions, es sentiments construits en dia a dia, ena conviuénça entre egals. Era que mos mòstre un shinhau mès informaus mès damb tota era nòsta esséncia.
Qu’es colors que mos acompanhen en aguesti dies mos poguen transméter era alegria, patz e felicitat que mos hèsquen erosi e eroses toti es dia der an qu’encetaram.
Bones vacances d’iuèrn!
CONCORS DE PINTURA RURAU
07/12/22Era mainadèra de 4au mos presentam ath concors de pintura rurau damb aguestes òbres tan polides. Les auem hèt damb aquarelles e mos auem inspirat enes paisatges agricoles que veiguem en nòste entorn tòcatocant. Demoram que vos agraden!!!
22 DE NOVEME, DIA MUSICAU ENA ESCÒLA DE LES
05/12/22Eth darrèr 22 de noveme era mainadèra dera nòsta escòla hestegèc eth dia dera musica en tot hèr ua amassada musicau. Cantèrem cançons e toquèrem esturments musicaus toti amassa. Siguec un moment fòrça divertit!
THIS IS HALLOWEEN!
02/12/22Era darrèra setmana d’octobre era mainadèra de Cicle Superior aprofondic er estudi dera lengua inglesa en tot apréner e practicar poesies de Halloween. Tanben premaniren manualitats damb materiau reutilisable entà decorar es sues estances.
Demoram que vos ac passesquetz ben damb eth nòste vidèu!
GESSUDA DE TARDOR
25/11/22
Era prumèra gessuda d’aguest cors a estat fòrça especiau, ja que tota era mainadèra dera escòla anèrem a visitar eth polit pòble de Es Bòrdes. I anèrem tà apréner causes d’un petit mamifèr que viu enes bòsqui dera nòsta Val e que, sustot, le shaute víuer enes arbes d’aguest pòble: es arrats dormilèrs tanben coneishudi coma lirons.
Es mès grani hèrem ua gimcana en petiti grops peth Camin Reiau tà aprener diuèrses causes dera flòra e era fauna dera Val. As més petiti les compdèren ua istòria e hèren ues manoquetes plan polides des arrats dormilèrs. Es grani aurèrem era sòrt de poder guardar es nins des arrats e dues cries de ben apròp.
Dinèrem toti amassa e hèrem ua petita excursion enquiath Castèth León, eth castèth deth pòble. Poguèrem guardar es sues runes, eth sòn drapèu e es sues vistes espectaculares. Mos imaginèrem coma deurie d’èster de pòlit abantes qu’eth pas deth temps l’esbaussesse e joguèrem a èster chivalièrs e arqueològs.
Dia des bibliotèques
24/10/22
TRABALHAM PER CORNÈRS
18/10/22HÉSTA HOLI
28/06/22HÈSTA DERA PRIMAUERA – Era mona 2022
27/04/22
Era mona. Jogam toti amassa. A vrespalhar…
Vídeo: https://view.genial.ly/6266b43bd0a03d001dbf14af
Escòla estudi Alejandro Casona
Èm escòla verda
08/04/22
 |
 |
 |
 |
 |
 |
 |
Aué auem penjat eth distintiu d’escòla verda.
An estat ans de trabalh e contunharàn estant. E auem arribat enquiad aciu damb er esfòrç e eth compromís.
Coma equipa directiua volem arregraïr ar equip docent deth centre que, pendent aguesti ans, s’a format entà poder aquerir es conesihements de besonh entà trabalhar en aguest àmbit, as famílies peth sòn esfòrç, compromís e collaboracion en toti es cambis qu’auem anat demanant. E, sustot, a toti es escolans e escoles, per víuer damb illusion e responsabilitat cada pas que vam hènt.
Auem clar que totes es accions son importantes entà mielhorar tota era problematica damb era que mos trapam des deth punt de vista ambientau.
De ben segur que cada petita accion ei un gran de sable qu’acabe formant ua plaja. Atau que contunharam trabalhant entà qu’atau sigue.
Aguest resultat i è per toti e totes: alumnes, famílies, mèstres e tota era rèsta dera comunitat educatiua.
Gràcies nauamens!
Era Direccion deth centre.
Magràs 2022
25/03/22Compartim damb es famílies era hèsta de Magràs d’aguest Cors 2021-22.
An estat uns dies fòrça divertits e tracassièrs!
Gràcies Magràs!
Te demoram eth pròplèu an.
Volem era patz
18/03/22
Vos compartim bèri moments deth nòste recorrut entà demanar era patz, tanben eth manifèst qu’escriuérem e liegérem.
E vos agraïm as famílies que mos acompanhèretz era vòsta participacion.
Naua revista cors 2020/2021
12/07/21Finaument aquiu auetz era naua revista deth cors 2020/2021!!!!!
Demoram vos agrade!
PÒRTES DUBÈRTES 2021
30/06/21Vos presentam eth vidèo deth Lipdub qu’auem premanit era mainadèra, es mèstres dera escòla e eth personau extèrn entà presentar toti es espaci dera nòsta escòla e es diferenti projèctes que trabalham.
Demoram que vos agrade e vos desiram bones vacances, mos veiguem eth proplèu cors!
Clicatz en vidèo entà veir eth Lipdub.
CANTA
30/06/21MEMÒRIES D’UNA ENTREVISTA
La mainada de Cicle Mitjà i Cicle Superior de l’Escola Estudi Alejandro Casona de Les, ha realitzat aquest curs una activitat conjunta amb la coral Sarda d’Iddanoa Monteleone, aquest treball s’ha dut a terme des de l’àrea d’educació artística, música, català i valors.
Hem gaudit molt coneixent aquesta coral, les seves veus i el seu gran talent musical.
Us deixem amb un recull audiovisual d’algunes de les experiències que hem viscut durant aquesta etapa educativa.
Cliqueu la imatge per veure el vídeo!
Gràcies a tothom que hi ha participat per fer-ho possible!
Us mostrem també, un petit regal musical que ha preparat el conjunt instrumental de Cicle Superior per donar les gràcies a la coral per la seva participació.
Es tracta d’un petit arranjament fet amb respecte i estima, de la peça musical “Luna”, de Michele Turnu. L’hem anomenat: “Un pezzo di luna”. Feu clic a la foto per visualitzar-lo.
Desitgem que us agradi!
