Era hèsta dera Mona

admin16/04/26  

Ja auem tornat des vacances dera Primauèra. Mès,a bantes de marchar, hestejèrem ena nòsta hèsta dera mona, entot elaborar-la, pintar ueus e hèr tot un seguit d’activitats ludiques entà arténher ua combinacion numerica que mos permetie daurir un còfre. Sabetz que i auie laguens? Donques es nòsti ueus pintadi. Quin tresaur!

I Recitau Infantiu de poesia.

admin14/04/26  

PRUMÈR RECITAU ESCOLAR DE POESIA EN
ARANÉS: JORNADA PLEA D’EMOCION E
CULTURA.

Eth 21de març ei eth dia mondiau dera poesia. Es mainatges e mainades d’educacion infantila e cicle
iniciau an agut eth plasèr de participar en prumèr recitau escolar de poesia en aranés.
A estat ua experiéncia fòrça enriquidora, que mos a permetut apropar-mos un shinhau mès ara lengua e
ara cultura deth nòste entorn d’ua manèra vivenciau e positiua.

Pendent era jornada, auem agut era oportunitat d’escotar diuèrsi poèmes recitadi pes pròpris
mainatges e mainades, e tanben damb era collaboracion de Xavi Gutierrez, damb un polit
poèma dedicat ara mainadèra de Les e Bossòst.

Er acte tanben a compdat damb era actuacion musicau deth grop Sarabat, en tot aportar un ambient de hèsta.

Volem dar es gràcies ath CRP dera Vald’Aran e Alta Ribagorça pera organizacion, as Ajuntaments de Bossòst e Les, a toti es que mos acompanhèren en acte e as nòsti protagonistes: es mainatges e mainades des dues escòles.

Er esquí ena escòla. Espòrt blanc.

admin14/04/26  

Vos compartim moments que, un viatge mès, mos an permès de víuer er espòrt der esquí. Snow, aupin e hons an estat es modalitats practicades en un entorn plan bon. Atau que demoram poder tornar a repetir enes an qu’an de vier.

Hèsta de Magràs

admin04/03/26  

Magràs òc que siguec tracassièr aguest an! Mos a deishat un dia mès en casa. E aciu vos compartim imatges d’auti moments des dies que passèrem damb eth.

Te demoram eth pròplèu an, Magràs!

Motricitat fina en Ed. Infantila

admin04/03/26  

Era motricitat fina ei fòrça important trabalhar-la enes prumèrs ans de vida, pr’amor qu’ajude
ara mainadèra a guanhar precision e autonomia.
Gràcies ad aguesta abiletat, pòden hèr activitats com pinçar, retalhar, pintar o escríuer damb
mès seguretat.
Trabalhar era fòrça des dits e era coordinacion uelh-man tanben favorís eth desvolopament
dera concentracion.
A trauèrs deth jòc e des activitats manipulatives, es mainatges e mainades aprenen de manèra
naturau e divertida.
Es fotografies e es dessenhs que veiratz, mòstren tot er esfòrç e es progrèssi que hèn dia a dia
.
Ei fòrça important valorar e estimular aguesti moments, pr’amor que son era base de fòrça
aprendissatges futurs.

HÈSTA DER ESTUDIANT

admin21/02/26  

Ena Val d’Aran, eth dia 22 de gèr hestejam era nòsta hèsta, era hèsta der estudiant. Aguest an auem hèt activitats entretengudes e, coma ei de costum, compartim un dinar toti e totes amassa damb es nòstes mèstres. F`roça gràcies tanben ara escòla d’ostalaria per facilitar-mos aguesta estona de trobada ath torn dera taula.

 

VISITAM ETH MUSÈU DETH NÒSTE PÒBLE

admin02/02/26  

Era mainadèra d’infantila pendent eth prumèr quadrimèstre an trabalhat eth projècte d’investigacion :
Descorbim eth pòble de Les. Ua des activitats laguens d’aguest, siguec era visita ath musèu Casa deth
Haro. Dempús d’aguesta experiéncia tan enriquidora, e coma producte finau d’aguest projècte an creat un
podcast que demoram que l’escotesquetz, perquè vòlen compartir damb vosati çò qu’an aprenut e vos
encoratgen a anar damb amics o familha!