Hèsta de Magràs
04/03/26Magràs òc que siguec tracassièr aguest an! Mos a deishat un dia mès en casa. E aciu vos compartim imatges d’auti moments des dies que passèrem damb eth.
Te demoram eth pròplèu an, Magràs!
Motricitat fina en Ed. Infantila
04/03/26Era motricitat fina ei fòrça important trabalhar-la enes prumèrs ans de vida, pr’amor qu’ajude
ara mainadèra a guanhar precision e autonomia.
Gràcies ad aguesta abiletat, pòden hèr activitats com pinçar, retalhar, pintar o escríuer damb
mès seguretat.
Trabalhar era fòrça des dits e era coordinacion uelh-man tanben favorís eth desvolopament
dera concentracion.
A trauèrs deth jòc e des activitats manipulatives, es mainatges e mainades aprenen de manèra
naturau e divertida.
Es fotografies e es dessenhs que veiratz, mòstren tot er esfòrç e es progrèssi que hèn dia a dia
.
Ei fòrça important valorar e estimular aguesti moments, pr’amor que son era base de fòrça
aprendissatges futurs.
HÈSTA DER ESTUDIANT
21/02/26Ena Val d’Aran, eth dia 22 de gèr hestejam era nòsta hèsta, era hèsta der estudiant. Aguest an auem hèt activitats entretengudes e, coma ei de costum, compartim un dinar toti e totes amassa damb es nòstes mèstres. F`roça gràcies tanben ara escòla d’ostalaria per facilitar-mos aguesta estona de trobada ath torn dera taula.
HÈSTA SOLIDÀRIA
02/02/26Mos a shautat fòrça auer compartit illusion damb era nòsta gent grana un dia tan especiau!
VISITAM ETH MUSÈU DETH NÒSTE PÒBLE
02/02/26Era mainadèra d’infantila pendent eth prumèr quadrimèstre an trabalhat eth projècte d’investigacion :
Descorbim eth pòble de Les. Ua des activitats laguens d’aguest, siguec era visita ath musèu Casa deth
Haro. Dempús d’aguesta experiéncia tan enriquidora, e coma producte finau d’aguest projècte an creat un
podcast que demoram que l’escotesquetz, perquè vòlen compartir damb vosati çò qu’an aprenut e vos
encoratgen a anar damb amics o familha!
AMBIENTS EN EDUCACION INFANTILA
02/02/26Petits scientifics e scientifiques.
11/12/25En infantila mos agrade fòrça eth mon dera
sciéncia. Ei per açò, qu’es escolans e escolanes se
trobaràn damb ues prepauses qu’auràn de resòlver.
Eri anaràn formulant ues ipotèsis entà, finaument,
arribar ara conclusion.
Aciu vos deisham un petit tastet des disparièrs
experiments hèti. Podetz veir que sa’c an passat geniau en tot hèr de scientifics e scientifiques!
Projècte eTwinning
05/11/25Aguest cors auem tornat a dessenhar projèctes eTwinning e les auem compartit damb desparières escòles europèes. Er objectiu principau d’aguesti projèctes ei méter en practica era lengua inglesa e compréner era utilitat d’aguesta lengua entà poder conéisher autes cultures.
Enes projèctes crearam e compartiram vidèos damb cançons qu’apreneram amassa damb es escolans e escolanes des auti païsi e que mos ajudaràn a refortilhar es contenguts der airau de lengua inglesa d’ua manèra mès significatiua.
Era mainadèra de 3au trabalharà damb ua escòla italiana; es de 4au damb ua escòla ucraïnesa; es de 5au damb ua escòla polaca e es de 6au damb ua escòla turca.
Aciu vos deisham es vidèos de presentacion qu’auem premanit pendent aguest inici de cors. Demoram que vos agraden!
TAULES SENSORIAUS EN ED. INFANTILA
05/11/25
Des d’er inici de cors, en Ed. Infantila auem incorporat es taules sensoriaus restacades damb es situacions d’aprendissatges amiades a tèrme: Non voi anar tara escòla!, Tardor damb tanta calor?
Er objectiu ei aufrir ara mainadèra objèctes dera vida vidanta entà tocar, manipular, descorbir, jogar e desvelhar es abilitats pròpries dera edat, en tot aquerir coneishements e vocabulari d’ua manèra mès motivadora.
Evitar residu plastic ei ahèr de toti!
15/09/25Entad aguest cors 2025-26 era escòla trabalhe entà arténher residu 0 en plastic e alumini.
Ei per açò qu’era vòsta mainadèra e era escòla vos compartís aguest vidèo, a on explicam eth perqué d’aguesta decision e demanam era vòsta collaboracion.
Gràcies per auança a totes es familhes.
Hestivau de finau de cors
31/08/25Damb aguesta darrèra publicacion deth cors mos premanim dejà entà encetar-ne un aute que,vdemoram, poigam disfrutar e apréner fòrça causes d’eth.
Son artistes deth color!
25/08/25Aciu les auetz! Creant naui colors en tot apréner-les en inglés. Very good!
Musiques deth mon.
23/08/25Era musica coma miei de comunicacion, de transmission de sentiments, de sensacions, d’estats d’ànim, de cultura locau…
Es nòstes notícies.
21/08/25Vam a començar a cauhar motors damb ues notícies que mos hèsquen arrir un shinhau… Les trabalhèrem en un des scenaris, en 3au trimèstre.
Demoram passatz ua bona estona.
Er himne dera nòsta escòla
23/06/25Aciu l’auetz!
En scenaris de robotica…
12/06/25Campatz guaires causes aprenem tà facilitar fòrça situacions enes que mos trobaram en dia a dia… Auem solucions entà tot!
Ben… Entà lèu tot!
