Dies sensacionaus a on auem compartit viuences que possiblement non repetiram.
Des de nedar damb tons a jogar ath bingo, tot mos servís entà compartir, entà experimentar, entà apréner…
Vos compartim imatges des moments viscudi.
I3, I4 e I5 visitèrem era Bibliotèca de Vielha eth dimèrcles 13 de mai. Kristina ja mos demoraue. Dempús d’esdejoar, era les expliquèc es normes e quina serie era organizacion deth maitin. Ara seguida mos expliquèc eth conde Istòria d’un eriçon, on i auie lèbes, arrats, esquiròs, cèrvis, teishons, audèths e tortuges… e a on les ensenhèc com víuer damb es nòsti defèctes e qualitats damb materiaus manipulatius e atractius.
Dempús herem ua ficha damb pintura a on auien de diboishar ues marietes. En acabar, liurement campèren libres, e abans de marchar les liégec un aute libre sus ua bohèra.
Es de cicle superior i pugèrem un aute dia entà realizar un talhèr de còmic. Mos ensenhèren a diboishar personatges de còmic “manga” e mos encuriosic fòrça. Mos gessèren diboishi fòrça encertadi.
E, uns dies dempús, i pugèren 4au e 5au a compartir coneishements sus era civilizacion egipcia: faraons, piramides…
Fòrça gràcies Kris, per deishar-mos passar damb tu un polit e agradable maitin ena bibliotèca, en tot apréner e compartir causes fòrça interessants.
Mos shaute plan poder anar un dia entad aguest lòc! Correm tà naut, tà baish, sautam,dinam.. Ei tot un non parar!
Era mainadèra deth 1èr Cicle visitèren Aran Park, a on veigueren fòrça animaus, passegèren, escotèren tapatges dera natura… Tanplan que s’ac passèren ben!
Vos compartim es moments tan especiaus qu’auem viscut en contacte damb era natura, es experiéncies superdivertides damb conplements deth miei… Tot arrir e sensacions polides!
