Aué auem penjat eth distintiu d’escòla verda.

An estat ans de trabalh e contunharàn estant. E auem arribat enquiad aciu damb er esfòrç e eth compromís.

Coma equipa directiua volem arregraïr ar equip docent deth centre que, pendent aguesti ans, s’a format entà poder aquerir es conesihements de besonh entà trabalhar en aguest àmbit, as famílies peth sòn esfòrç, compromís e collaboracion en toti es cambis qu’auem anat demanant. E, sustot, a toti es escolans e escoles, per víuer damb illusion e responsabilitat cada pas que vam hènt.

Auem clar que totes es accions son importantes entà mielhorar tota era problematica damb era que mos trapam des deth punt de vista ambientau.

De ben segur que cada petita accion  ei un gran de sable qu’acabe formant ua plaja. Atau que contunharam trabalhant entà qu’atau sigue.

Aguest resultat i è per toti e totes: alumnes, famílies, mèstres e tota era rèsta dera comunitat educatiua.

Gràcies nauamens!

Era Direccion deth centre.

Compartim damb es famílies era hèsta de Magràs d’aguest Cors 2021-22.

An estat uns dies fòrça divertits e tracassièrs!

Gràcies Magràs!

Te demoram eth pròplèu an.

Vos compartim bèri moments deth nòste recorrut entà demanar era patz, tanben eth manifèst qu’escriuérem e liegérem.

E vos agraïm as famílies que mos acompanhèretz era vòsta participacion.

Informacion tàs familhes deth procès tara preinscripcion

Ofèrta iniciau

Listat damb barem provisionau

Listat damb era puntuacion resòltes es reclamacions

Listat publicacion admessi

Finaument aquiu auetz era naua revista deth cors 2020/2021!!!!!

Demoram vos agrade!

(Hètz clic ena imatge entà pòder veir eth vidèo.)

Era fin deth cors ja a arribat.

Ja ac sabem que non a estat fàcil, mès vam a dedicar eth temps non pas ac  causes negatiues se non a tot çò qu’era experiéncia mos a auut  d’ensenhar. 

Auem sautat obstacles qu’an estat en camin; a còps amassa, a còps d’un  en un, a còps queiguent-mos e tornant-mos a lheuar, a còps sautant damb  pro distància… Coma sigue mès les auem sautat, per aquerò èm aciu. 

Auem arrit e plorat dejós de masquetes de spidermans, d’ahragues, de  princeses, de dracs, blues, blanques o de colors.. Siguessen quines  siguessen, en tot moment mos deishauen veir era esséncia deth moment:  era uelhada transparent d’un petit o d’ua petita que dèishe veir era sua  valentia, era d’un adolescent que viu era injustícia d’un moment panat  dera sua vida, era d’un adult que sage de véncer ara pòur de non saber  per a on tirar, ara inseguretat dera situacion, de non saber qué passarà. E  qu’artenh véncer-la tanben, per aquerò ètz aciu. 

Auem patit era distància des nòsti, era demana d’un punet o d’ua abraçada desapareishuda per moments, deuant deth besonh emocionau  de sénter-mos, de tocar-mos, de notar era nòsta essencia personau, era  pecularietat de cadun, era identificacion des nòstes arraïtz familiares. Mès  açò mos a hèt mès fòrti, mès de besonh que jamés des nòsti, mès  conscients dera importancia de relativizar quinsevolh pegaria deth dia a  dia que mos enfrente as uns damb es auti.  

Deishatz ara qu’er ostiu vos apròpe as vòsti, arritz e transmetetz es vòsti  sentiments sense que queden amagadi darrèr d’arren 

Sequitz estant valents e valentes es mès petitonhs dera casa, recuperatz  aquera part panada dera vòsta vida e vencetz nauamens as pòurs. 

Inicièrem eth cors damb un arcolant damb ua promesa de futur: tot anarà  ben. Ara l’acabam damb era promesa cumplida: tot a anat ben. 

Passatz bon ostiu e en seteme mos retrobam ena nòsta escòla, ena vòsta escòla. 

Eth 27 de mai era escòla Alejandro Casona hèc ua corsa solidària entà arremasar productes de prumèra necessitat tath banc d’aliments dera Val d’Aran. Entre toti podèrem arremassar 200kg de minjar e productes d’igièna tàs familhes qu’ac agen de besonh.

Guardatz eth vidèo entà veir coma mos ac passèrem de ben e tot çò qu’arremassèrem!

Vos presentam eth video dera hèsta que celebrèrem ena escòla entà passar un dia especiau de Sant Jòrdi.

Demoram que vos agrade!

Es persones, coma es audèths, son diferentes en sòn vòl, mès egals en sòn dret a volar.

#CadaPasCompta #gentactiva #DMAF2021