Coma trabalham?

Cornèrs

Eth trabalh per cornèrs apòrte as nòsti escolans mès autonomia, tan en trabalh dirigit coma en jòc liure. Tanben mos ajude a trabalhar es abituds d’orde, compartir e ajudar-se.

Era metodologia per cornèrs permet as escolans utilizar eth materiau segons es sòns interèssi e besonhs e aquerir es objectius deth cors ath ritme de cada escolan.

Centres d´interés

Eth centre d´interés eieth context en qué se desvolòpen totes es activitats, ei eth mejan qu´estacarà es diuèrses activitats de cada dia entorn un tèma centrau.

Grops collaboratius

Damb era formacion d´aguesti grops, tot er escolanat se resposabilize tant deth sòn aprenedissatge coma es des companhs/es. Fomente era responsabilitat e era autonomia.

Projèctes

Afavorís er aqueriment des competéncies basiques atengut que:

  • Partís d’un tèma, problèma o centre d’interès negociat damb l’alumnat.
  • Hè protagonista er escolanat en bastiment dera pròpria coneishença pr’amor que focaliza eth desir de saber causes naues, era formulacion de qüestions, era reflexion sus eth pròpri saber, era recèrca de naua  coneishences e era reflexion sus eth pròpri procès d’aprenedissatge.
  • Da fòrça importància ath trabalh cooperatiu. S’elabòren qüestions o ipotèsis, se prenen decisions sus eth despartiment de tasques e se met eth comun eth resultat des tasques individuaus e s’elabòre collectivament eth resultat.
  • Incentiua es procèssi d’investigacion que supausen cercar, seleccionar e interpretar informacion a trauès de hònts diuèrses, formular naui dobtes e naues qüestions e establir relacions damb auti problèmes.
  • Se transferissen estrategies entà apréner: se represente eth procès de bastiment de coneishença, s’avalore çò que s’a aprenut e coma s’a aprenut.
  • S’activa era comunicacion, eth dialòg e era discussion en petit e gran grop entà bastir coneishença de forma compartida.

Talhèrs/Ambients

Es talhèrs son entorns rics damb prepauses diuèrses qu’estimulen eth desvolopament globau des mainatges. Aufrissen situacions d’aprendissatge qu’eth jòc ei l’activitat principau. Es activitats que se prepausen as talhèrs hèn possible experiéncies diuèrses dirigides ath desvolopament de determinades capacitats des mainatges. Enes talhèrs es mainatges e mainades aprenen mejançant eth contacte damb es objèctes, a trauès dera manipulacion, l’exploració e era descubèrta.