Aué, dia 22 de noveme ei eth dia de Santa Cecilia, era patrona dera musica. Ath long dera setmana, ena escòla s´an hèt diuerses actiuitats restacades damb era musica: cançons, balhs…
Mos agradarie destacar era divertida e entretinguda Gymkana qu´organisèc era familha de Martí, Adriana e Jana, per tot eth pòble de Gessa. Se tractaue de cercar es Elfos que cada mainatge e mainada auie creat pera tarde ena escòla, e qu´ath matin següent auien desapareishut, e gràcies as cartes que mos auie portat eth cartèr, sapiguerem que s´auien perdut peth pòble de Gessa; afortunadament auiem ues pistes que mos ajudauen a trobar-los. Per tot eth pòble s´escotaue era musica des grilhonets qu´es Elfos auien en chapèu. Es mainatges e mainades damb aguesta actiuitat an estat fòrça motivadi, an pogut trebalhar en equip, an mostrat fòrça concentracion, e sustot diversion.
Diuendres 20, pera tarde, era jornada se completèc damb es balhs en pati dera escòla. Tant grani coma petiti dancèren a ritme dera musica, damb alegria e felicitat.
Entre toti passerem un dia espectacular, e tà mòstra, podetz clicar ara imatge des Elfos e veir es fòtos e es vidèos des vòsti hilhs e hilhes.
Aué qu´ei Santa Cecilia voi compartir damb toti e totes aguesta cançon, demori que vos agradigue e qu´era musica non s´aturi jamés, pr´amor qu´era musica ei era banda sonora dera nòsta vida…podetz clicar en xilòfon tà escotar-la!!!
Que bien, felicitaciones ¡ Me siento muy orgullosa de mi hija Adriana y de la Jana y el Martí ¡ Besòs