Òla familhes,
Un an més, eth Departament de Salut, a trauès des servicis d’Odontologia deth hilat de centres d’atencion primària, amie a tèrme annauments era revision odontològica des escolans d’Educacion Primària, establides en Plan de Salut dera Generalitat de Catalonha.
Aué diuendres dia 7 de mai an vengut ara escòla era equipa d´ondontologia der Espitau de Vielha, eth Dr. García-Riart e Juanita, era sua infermèra, a hèr-mos era revision bucodental. Es mainatges e mainades, d´infantila e primària, an estat fòrça collaboradors/es, per cèrt Pablo e Aymar, qu´ère eth sòn prumèr còp, an estat fòrça valents. Auem vist un vidèo a on mos an explicat coma se produís era caries, qu’ei fòrça important raspallar-se ben es dents, e de quina manèra les auem de raspallar.
Coma ja sabetz, es revisions dentaus que periodicaments se hèn ena escòla an per objectiu previer e detectar precoçment possibles alteracions dera salut bucal des mainatges e es mainades. Ath delà mos ajuden a programar es activitats preventives e d’educacion sanitària entà pr’ amor de melhorar-la.
Mos an felicitat pr´amor que non mos a trobat cap caries! Es dents son per tota era vida, pòca badinada!
Podetz clicar era imatge tà veir es fòtos dera revision.
