Coma dejà auem hèt en d’autes ocasions, es escolans e escolanes de Gessa, eth passat 31 de mai participèren ena campanha “Let’s clean up Europe”. Se tracte d’ua accion comuna a tota Europa entà conscienciar sus era quantitat de residus que se lancen ena natura en tot promòir accions de sensibilizacion a trauèrs dera arremassada de residus enes bòsqui (en nòste cas eth camin que va a de Gessa a Arties). Era participacion des escolans en campanhes d’arremassada de residus ena natura ei ua activitat plan positiua pr’amor que promò era consciéncia ambientau e era responsabilitat ecologica. Aguestes accions non sonque contribusïssen a mantier es entorns naturaus, ath delà tanben eduquen as escolans/es sus era importància de preservar era biodiversitat e protegir eth miei ambient entàs generacions que vieràn en un futur. A trauès d’aguestes campanhes, es escolans/es pòden experimentar dirèctament coma es sues accions pòden auer un impacte positiu en planeta e apréner a valorar e respectar era natura que les entornege.
Ath delà de participar ena campanha es escolans/es an gaudit d’ua estona de léser en parc d’Arties.
Comentaris recents