Eth passat diuendres 31 de mai escolans/es de Gessa participèren damb auti dera ZER, era Val d’Aran, era Alta Ribargorça e Palhars Jussà en fòrum d’Escòles Vèrdes. Siguec en campament Toirigo ena Val de Boí.
Aguesti fòrums son amassades territoriaus d’escambi d’experiéncies a on participen escolans/es e professorat. Er objectiu ei qu’es centres dispausen d’un ambient excellent entà expausar experiéncies. Escolans/es e mèstres an era oportunitat de compartir es accions que se realizen enes sòns centres a trauèrs de diuèrses dinamiques e en un contèxt d’aprendissatge actiu e participatiu.
Ath delà des fòrums, eth Hilat d’Escòles Vèrdes tanben organize es Amassades de Comitès Ambientaus, espacis d’escambi (tanben a nivèu territoriau) damb ua dimension mès redusida de centres e a on eth protagonista ei exclusivaments er escolanat.
Comentaris recents