CONDEZER 2025

admin22/04/25  

Aué, 22 d’abriu, s’a hestejat ua naua edicion des premis CondeZER, en tot trobar-mos toti es escolans/es dera ZER en Arties. Eth grop ‘Somriures Nòmades’ a aumplit eth maitin d’alegror e energia, en tot animar era jornada damb activitats plees de valors e ritme. Auem compartit es nòsti desirs e aportat aliments a qui mès ac a de besonh. Tanben s’an autrejat es prèmis literaris e de diboish e entà acabar s’a plantat er arbe des desirs des mainatges e mainades dera ZER un simbèu d’esperança e illusion compartides.

CHARRADA INTERNET SEGURA

Eth passat dia 23 es escolans/es de Cicle Miei e Cicle Superior assistiren a ua charrada plan interessanta a cargue des Mossos d’Esquadra. Se les expliquèc era importància de préner mesures de seguretat en moment de navegar per internet.

GESSUDA DE TARDOR 2024

admin25/10/24  

Ager, era nòsta escòla amièc a tèrme, damb eth professorat deth Camp d’Aprendissatge dera Val de Boí, era gessuda de tardor en entorn naturau pròplèu. Aguesta activitat non sonque permetec as estudiants gaudir der aire fresc e era berèsa dera natura, mès que tanben servic coma ua valiosa experiéncia educativa.
Pendent era gessuda, es escolans/es aueren era oportunitat de cuélher mòstres de huelhes e fruts caracteristics d’aguesta sason. S’explorèren desparières espècies d’arbes e plantes, en tot observar atentaments es cambis que se produsissen ena natura pendent era tardor.
Posterioraments, ena classa, s’estudièren es caracteristiques des mòstres recolectades. Aguesta experiéncia practica nonsonque enriquic era coneishença teorica des estudiants, mès tanben fomentèc era sua connexion damb eth miei ambient.
Demoram damb entosiasme mès activitats similares en futur!

ORQUÈSTRA SINFONICA

admin18/06/24  

Eth passat diuendres 14 de junh, toti es escolans/es dera ZER Val d’Aran s’amassèren en Arties entà participar en ua activitat fòrça especiau. Pendent eth maitin, es escolans/es aueren era oportunitat de crear es sues pròpries maraques en un talhèr de manualitats. Ath delà, gaudiren… Llegeix més»