Diuendres 11 d’abriu ena tarde compartirem ua estona fòrça especiau damb es familhes en un talhèr a on se hèren minjadères tàs audèths e se decorèren pòts de flors. Siguec ua activitat creativa e enriquidora que permetec gaudir amassa d’ua estona diferenta. Fòrça gràcies a totes es familhes que i participèretz.
Eth dia abans des vacances hestegèrem amassa era arribada dera Pasca en tot hèr era tradicionau mona. Toti es escolans/es participèren damb fòrça illusion ena sua premanida e decoracion. Dempús la compartiren tà esdejoar. Un moment doç e especiau entà acabar eth trimèstre.
Es setmanes abans des vacances dediquèrem diuèrses estones a hèr manualitats de Pasca. Sigueren activitats fòrça divertides que permeteren as escolans e escolanes exprimir era sua creativitat en tot preparar-se entàs hèstes.
Es escolans/es an participat enes talhèrs bucodentaus qu’aufrís AranSalut a on an aprenut era importància d’ua bona igièna bucala. A trauès d’activitats practiques e explics, les an mostrat coma mantier ua boca sanitosa, previer càries e d’auti problèmes dentaus, atau coma era importància de brossar-se… Llegeix més»
Ena escòla, trabalham ath torn dera figura de Pablo Picasso, e es escolans/es s’an mostrat fòrça interessadi e motivadi peth projècte. An gaudit en tot descorbir es sues idèes e an aprenut fòrça dera sua òbra, damb activitats dinamiques que les an ajudat a exprimir… Llegeix més»
Eth passat dijaus 30 de gèr hestegèrem eth Dia dera Patz enes escòles damb activitats manipulatives sus aguesta tematica. Es mainatges e mainades gaudiren fòrça d’aguestes activitats, aprenent era importància dera patz, dera tolerància e deth respècte entre toti. Siguec un día plen de gòi… Llegeix més»
Eth passat dia 23 es escolans/es de Cicle Miei e Cicle Superior assistiren a ua charrada plan interessanta a cargue des Mossos d’Esquadra. Se les expliquèc era importància de préner mesures de seguretat en moment de navegar per internet.
Un cors mès es nòsti escolans/es participèren ena activitat “Eth circ des fortaleses” prepausada pera AFANOC (Associació de Familiars i Amics de Nens Oncològics de Catalunya). Des dera escòla balham eth nòste supòrt a activitats coma aguesta entà ajudar a mainatges/mainades malauti de tota Catalunya.
