Es escolans de 6au dera ZER heren ager ua gessuda fòrça especiau: anèren a visitar er institut a on estudiaràn eth cors que ven. Damb fòrça illusion e un shinhau de nèrvis, coneisheren es installacions, bèri professors e tanben futurs companhs. Siguec ua experiéncia enriquidora… Llegeix més»
E fin finau, entà barrar era tempsada de colònies, 4au e Cicle Superior dera ZER a gaudit d’ua estada ena Marinada en Cambrils es dies 12, 13 e 14 de mai. An gaudit dera mar, era piscina… e deth Solei. Aciu vos deisham un vidèo damb bères imatges fòrça polides.
Eth passat diuendres, es escolans e escolans de Cicle Superior dera ZER, amassa damb es des autes escòles dera Val, participèren en Vielha en ua naua edicion des jornades esportiues organizades cada cors pes escolans deth cicle formatiu d’espòrts der Institut d’Aran.
Pendent tot eth maitin,… Llegeix més»
Era setmana passada contunhèren es colònies, aguest viatge de Cicle Iniciau e 3au. Anèren, coma Educacion Infantila, a Planes de Son. Damb era rèsta de companhs/es dera ZER se divertiren fòrça e gaudiren d’activitats interessantes ena natura. Aciu vos deisham es fòtos. … Llegeix més»
Es dies 24 e 25 d’abriu es escolans/es d’Educacion Infantila dera ZER gaudiren d’un viatge de colònies tà Planes de Son. Aquiu gaudiren d’activitats des animaus deth Pirenèu en un ambient de companherisme e entosiasme.
Aué, toti es escolans de 6au de primària dera Val d’Aran s’an trobat en Palai d’Espòrts de Vielha entà gaudir d’ua jornada plea d’activitats en lengua anglesa e francesa. Aguestes an estat dinamizades pes escolans/es de 4au d’ESO der Institut d’Aran, que les an guidat damb entosiasme e responsabilitat. A estat ua grana oportunitat entà practicar lengües estrangères d’ua manèra ludica e collaborativa. Era jornada a acabat damb era representacion d’ua òbra de teatre en lengua francesa, qu’a agradat fòrça a toti es assistents. Ua experiéncia fòrça enriquidora entà toti!
Aguest Sant Jòrdi, com ja ei tradicion, cada escolan/a deth centre s’a emportat un libre coma present dera escòla entà seguir en tot fomentar eth gost pera lectura. Tanben an pogut emportar-se en casa es manualitats qu’an premanit aguesti dies damb illusion e un punt de libre fòrça especiau, aufrit pera ZER.
Ager viuérem ua jornada fòrça especiau. Toti es escolans/es deth nòste centre pugèrem tà Salardú entà trobar-mos damb era rèsta d’escolans/es dera ZER. Amassa compartírem ua estona plea de complicitat, arridalhes e activitats, en tot celebrar era jornada de Sant Jòrdi d’ua manèra fòrça simbolica.
Com que Sant Jòrdi ei tanben eth dia der amor e era amistat, volérem deishar-i ua petita emprenta. En tot seguir era tradicion d`’auti endrets, pengèrem laci damb es nòsti nòms en pònt der amor, en tot crear un murau viu e colorit que simbolize es ligams que mos amassen. Gràcies a toti qu’ac hèren possible!
Aué, jornada de Sant Jòrdi, auem agut ua visita fòrça especiau ena escòla. Era mèstra Alba Orrit a vengut a explicar-mos un conde alternatiu de Sant Jòrdi, plen d’imaginacion. Ath delà, a compartit cançons damb es escolans/es, qu’an participat encantadi en tot tocar estruments de musica e en tot acompanhar es istòries damb fòrça ritme e entosiasme. A estat ua activitat fòrça polida que a combinat literatura, musica e creativitat. Gràcies, Alba, per hèr-mos víuer un Sant Jòrdi diferent e fòrça especiau!
Aué, 22 d’abriu, s’a hestejat ua naua edicion des premis CondeZER, en tot trobar-mos toti es escolans/es dera ZER en Arties. Eth grop ‘Somriures Nòmades’ a aumplit eth maitin d’alegror e energia, en tot animar era jornada damb activitats plees de valors e ritme. Auem compartit es nòsti desirs e aportat aliments a qui mès ac a de besonh. Tanben s’an autrejat es prèmis literaris e de diboish e entà acabar s’a plantat er arbe des desirs des mainatges e mainades dera ZER un simbèu d’esperança e illusion compartides.
