Eth passat 4 de junh, es nòsti escolans/es de 4au e Cicle Superior participèren en Fòrum d’Escòles Vèrdes, celebrat en Pònt de Suert. Aguesta ocasion, qu’amasse escòles comprometudes damb eth respècte peth miei ambient, siguec ua oportunitat unica entà compartir experiéncies e coneishences.
Pendent era jornada, es nòsti escolans/es coïncidiren damb d’auti mainatges e mainades dera Val d’Aran e era Ribagòrça, en tot crear un espaci de convivéncia e aprendissatge fòrça enriquidor. Cada grop presentèc es trabalhs realizadi, en cas des escòles dera ZER eth Camín Reiau, un camin plen d’istòria e natura que connècte diferenti municipis pirenencs.
Eth nòste escolanat exposèc damb fòrça illusion eth trabalh hèt ath long deth cors, e podec conéisher com an trabalhat es autes escòles deth territòri. Er escambi d’experiéncies siguec fòrça positiu e afavoric era reflexion conjunta sus era importància de suenhar eth nòste entorn naturau e culturau.
Mos sentem fòrça erosi dera participacion e implicacion deth nòste escolanat en aguesta amassada tan significativa. contunham de caminar, jamès melhor dit, vèrs ua escòla mès verda e comprometuda!
Comentaris recents