Aguesti dies, es escolans/es an trabalhat fòrça ena creacion e presentacion des sues maquetes des ecosistèmes, en airau de Coneishement deth Miei Naturau. An trabalhat en grop, en tot compartir idèes, en tot organizar-se e en tot collaborar entà crear representacions creatives e fòrça plan elaborades des diferenti tipes d’ecosistèmes: bòsqui, desèrts, mars, sèuves e fòrça mès.
A trauès d’aguesta activitat, an aprenut a identificar es caracteristiques principaus de cada ecosistèma, es èsters viui que i demoren e es relacions que s’i establissen. Ath delà, an pogut méter en practica abiletats coma era recèrca d’informacion, eth trabalh en equipa e era expression orau, donques cada grop a exposat era sua maqueta deuant des sòns companhs e companhes.
Felicitats a toti es escolans/es peth trabalh plan hèt e er entosiasme mostrat pendent tot eth procès!
Comentaris recents