DOCUMENTACION ENTÀ FORMALIZAR ERA PREINSCRIPCION E MATRICULACION
Era opcion telematica: deth 13 ath 22 de mai.
Aconselham a toti que pogue emplegue era sollicitud telematica: en tot aumplir era sollicitud en supòrt informatic e en tot enviar eth resguard dera sollicitud amassa damb era documentacion escanejada o fotografiada ara boèta deth corrèu dera escòla c5000559@xtec.cat . Nosati vos arresponeram era recepcion dera vòsta sollicitud.
Era opcion presenciau: deth 19 ath 22 de mai de 9:30 a 13:30 ores.
En cas que non vos sigue possible hè’c telematicaments, auratz de demanar cita prèvia ath telefòn 973645817 a compdar deth 13 de mai e vos daram dia e ora entà vier a aumplir era sollicitud e liurar-la, amassa damb era documentacion ara escòla.
En aguest cas, cau portar mascareta e guants en tot moment e respectar era distància de seguretat de 2 metres laguens deth recinte escolar. Vos recomanam que portagatz eth boligraf de casa tà raumplir era sollicitud.
Era documentacion qu´auetz de portar o enviar ei aguesta:
- Originau e fotocòpia deth libre de familha o documents relatius ara filiacion. Se l’escolan se tròbe en situacion d’acuèlh, era resolucion d’acuèlh deth Departament de Trabalh, Ahèrs Sociaus e Familhes.
- Originau e fotocòpia deth DNI dera persona en tot sollicitar (pair, mair o eth tutor/a o guardador/a de hèt) o s’era persona en tot sollicitar ei estrangèra, era carta de residéncia a on cònste eth NIE o eth passapòrt. Se se tracte d’estrangèra comunitària, document d’identitat deth país d’origina.
- Originau e fotocòpia deth DNI de l’escolan/a s’a DNI.
- Originau e fotocòpia dera TSI (carta sanitària individuau).
- Originau e fotocòpia deth carnet de vacunacions o certificat equivalent.
- 2 fotografies mesura carnet en papèr fotografic.
- Certificat d´empadronament.
- Eth DNI actualizat damb l’adrece naua, se non se podec presentar damb era sollicitud de preinscripcion.
Es originaus dera documentacion se retornaràn un còp contrastat damb es còpies presentades.
