CORS 2021-2022

Planvoludes familhes. Ager comencèrem un nau cors escolar e aprofiti tà presentar-me. Sò Shandra Tarrafeta, era naua mèstra e directora dera escòla Sant Martí de Gessa.  Demori compdar damb era vòsta collaboracion pendent tot eth cors. Mos vedem aué ena amassada d’inici de cors!!!

BON OSTIU!

Planvoludes familhes,
Barram eth cors, mès ac finalizam tamb reptes superadi, naui laci e camin tà contunhar hènt entre toti e totes.
Coma sabetz, a estat un an dificil mès, damb er esfòrç, era complicitat, respècte e collaboracion de tota era comunitat educativa, ac auem completat damb… Llegeix més»

Naua web: Aplicacion informatica “UsApps”

Òla familhes,
Vos informi que s’a metut en marcha era naua web – aplicacion informatica UsApps.
Era ‘UsApps’ ei un estrument qu’eth Departament d’Educacion met a disposicion de totes es persones dera comunitat educativa entà comunicar es diferentes situacions de violéncia qu´er alumnat pòt víuer o èster-ne… Llegeix més»

Xarrada sus er Os Bru des Pirineus

Ager, mos visitèc Sonia Gresa dera associacion catalana DEPANA. DEPANA ei ua associacion catalana sense ànim de lucre de ciutadans e ciutadanes qu’actue entara defensa, er estudi e era conservacion der auviatge naturau, ath madeish temps que promò era concepcion globalizadora des problèmes qu’afècten es espècies e es ecosistèmes. Aguestes sessions mos a permet conéisher més causes d´aguest animau timid e solitari: es sues dades basiques, caracteristiques particulars, eth sòn comportament en iuèrn, produccion, es peades, excrements, poblacion actual en nòste territòri…

Sonia mos a hèt enténer fòrça causes sus er os bru que non coneishiem, fòrça gràcies!

Erós Dia dera Mair!

Òla familhes!

Des dera escòla Sant Martí volem desirar un bon dia a totes es mairs e, vos volem ensenhar aguesti posafotos tan artistics e ben polidi qu´es alumnes an creat ena classe de plastica tà regalar-li as mairs.

Erós dia a totes es mairs!!

Sant Jordi en Gessa 2021

Planvoludes familhes,
Es alumnes dera escòla, tant petiti coma grani, auem passat ua jornada ben diferent en tot celebrar era festivitat de Sant Jordi. Auem hèt diferents talhèrs: de manualitats, de teatre, de narracion, de cançons e, de diboish, que mos a permet gaudir e hèr… Llegeix més»

REBREMBE FESTIUS

Benvoludes families,

vos rebrembam que:

  • Diuendres 30 d´abriu ei un des dies festius de liure disposicion.
  • Deluns 3 de mai ei un des dies festius locals.

Aguesti dus dies sigueren aprovadi peth Conselh Escolar dera ZER per aguest cors.

Atau donques, mos retrobam dimars dia 4 de mai.

Podetz trobar eth calendari escolar en següent ligam Calendari escolar 2020-21

DIA DERA TÈRRA: ER ÒRT ESCOLAR DE GESSA

Eth Dia dera Tèrra ei ua des expressions més polides e ecologiques q´auem. Aué,  22 d’abriu ei eth Dia dera Tèrra. Cada an se celèbre, per tau de conscienciar sus era importància de conservar eth nòste medi ambient e des problèmes qu’impliquen es nòstes accions. Per açò, auem passat un dia ena escòla celebrant precisament eth nòste amor pera tèrra.

Coma ac auem hèt? Donques semiant eth nòste òrt. Anna e Margarita, era mair de Candela e, era mair-sénher d´Edgar e Viktor, mos an explicat coma s´auie de trebalhar er òrt e coma s´a de semiar. Damb era sua ajuda auem semiat: carròtes, cebes, arravets, remolacha e ahragues. Tot aguest projècte, mès, mos permet era oportunitat d’enlordir-mos es mans damb çò que mès mos agraden de hèr en òrt: arrincar males èrbes, plantar, coélher, regar…

Mos ac auem passat pipa!!

Ací vos deisham es fòtos dera nòsta accion, aué Dia dera Tèrra.

ÒRT DE GESSA

Es vèrmes de seda: eth cicle vital dera parpalhòla.

Ena escòla auem ues mascotes fòrça divertides. Se tracte des vèrmes de seda! Txell mos a portat uns vèrmes petits. Auem dedicat ues sessions tà saber coma ei eth procés dera metamorfòsi. Cada dia les alimentam damb huelhes de morera que mos an portat es pairs e mèstres de Lhèida, pr´amor qu´ena Val d´Aran non i a, fòrça gràcies a toti e totes!

Aguesti dies s´an hèt grani e fòrts, enquia qu´un dia an començat a hèr un cocon (capoll). Qué emocionant!!

Dempús d´uns15-20 dies, d’aguest cocon (capoll) gesserà ua polida parpalhòla. E aquesta, finalment posarà uns ueus (era parpalhòla femèla), tà dar lòc a futurs vèrmes de seda que poiràn seguir eth sòn camin e realizar eth sòn pròpi cicle vital.

Vos podem díder qu´ estam aprenent fòrça en aguest seguiment des nòsti vèrmes, e estam investigant e observant tot eth cicle vital. Damb totes es sues fases, pr´amor qu´eth desvolopament deth vèrme de seda conste de quate fases ben diferenciades: ueu, eruga (larva), crisalida (capoll) e imago (parpalhòla).

Ací podetz veir es fòtos des nòsti vèrmes, anaram actualizant es fòtos!

Es vèrmes de seda