Ginys

SANT JÒRDI

admin27/04/18  

Tota era ZER auem hestejat Sant Jòrdi.  Es escolans de Gessa an representat ua polida òbra de teatre. Tamben s’an despartit es premis de poesia e diboish deth CondeZER.  Es guanhadors  aguest an son de diboish: Aimar Delicado e Mª Aran Brey . E de poesia : Hugo Suárez e Ares Montilla.

Pera tarde era Sra. Lucia Mas, professora de musica , expliquèc era istòria des trobairitz en Occitània. Aprofitèrem entà cantar polides cançons e hèr ua petita òbra de teatre de St. Jòrdi. Gràcies Lucia.

AMIC INVEDIBLE DE SANT JÒRDI

admin27/04/18  

Auem hèt un amic invedible de Sant Jòrdi entà fomentar era lectura. Cada escolan aufrie ath sòn amic invedible un libre de casa qu´eth auie liejut dejà . Tota era escòla a collaborat ena iniciativa que mos prepausèc ua mair dera escòla e pensa, mestres e escolans, qu’ a estat plan divertit e qu’ ac repetiram.

 

TALHÈRS KAPLA

admin27/04/18  

Eth Kapla ei un jòc pedagògic  qu’estimule era curiositat,desvolope  era imaginacion, er equilibri, era concentracion, eth jòc cooperatiu, eth trabalh en equipa… Auem hèt matematiques de forma divertida e tridimensionau.

 

 

TALHÈRS DE SCIÉNCIA

admin27/04/18  

Es escolans de CM e CS dera escòla participèren en ua jornada de Sciéncia damb  eth Sr. Melquiades. An realizat fòrça experiments e s’ac an passat fòrça ben. A estat ua jornada plan interessanta.

MAGRÀS 18

admin27/04/18  

Aquest cors era temàtica de Magràs a estat es animaus, i auie:  ihons, pofres, girafes e marietes . Ac hestegèrem tota era ZER amassa en Salardú . Tanben vengueren es mainatges dera escòla mairau de Tredòs. Er Ajuntament deth Naut Aran mos facilitèc era animacion musicau. Fòrça gràcies.

 

PASCA

admin27/04/18  

E entà Pasca …ac hestejam en tot hèr era Mòna! Mmmm plan bona !

 

MISSION TROBAIRITZ

admin27/04/18  

Era Sra. Cinta Arasa , escrivana deth libre “Mission Trobairitz” liejut ena classe de CS , arrevirat ar aranés peth Conselh Generau d’Aran,  mos hec ua visita fòrça interessanta e dediquèc es libres as nòsti escolans.

VISITA TARA BIBLIOTÈCA DE VIELHA

admin27/04/18  

En tot profitar qu’aquest an  trabalham era poesia en nòste CondeZER,  es escolans visitèren era bibliotèca de Vielha entà hèr un talhèr. Aquiu eth Sr. Xavi Gutiérrez  expliquèc  plan de causes sus com hèr poesia , ne hèrem bèra ua toti amassa.

 

TALHÈR D’ESCACS

admin27/04/18  

Un an mès eth Sr. Oscar a realizat ua master class de dinamizacion d’escacs en tot ajudar as escolans a aquerir estratégies d’apertura  e enrocament . Auem aprenut  fòrça. Gràcies Oscar.

TARO

admin09/07/17  

ER AJUNTAMNET DETH NAUT ARAN MOS A HÈT UN PRESENT E JESUS A VENGUT AEXPLICAR CAUSES SUS ETH TARO.

admin09/07/17  

Es escolans de CM e CS auem vesitat eth Parador Nacionau d’Arties entà conéisher es oficis  e es installacions.

TEATRE EN FRANCÉS

admin27/04/17  

Es escolans de cincau an hèt un teatre en francés entà apréner a  crompar e véner.

TEATRE EN LES

admin25/04/17  

Eth dia 25 d’abriu es escolans de CM e CS interpretèren era òbra de teatre : UA NET EN MUSÈU, damb motiu deth Xau FESTIVAU DE TEATRE ENA ESCÒLA organizat peth Conselh Generau d’Aran.20170425_120513

 

SANT JÒRDI

admin25/04/17  

Eth diuendres dia 21 d’abriu tota era ZER s’amassèc en Arties entà celebrar era hèsta de CondeZER. S’autregèren es prèmis de literatura e diboish.