ARRIBE MAGRÀS!

Eth deluns 17 de hereuèr en arribar ena Escòla, eth senhor Magràs ja mos demoraue seigut en banc damb ua nòta ena sua pòcha dera camisa.

Ena ora deth pati era mainadèra ac arrecebec damb allegror e fòrça illusion. E toti e totes amassa liegérem era nòta que portaue. Era nòta didie:

Bon dia mainadèra e mèstres!

Ja auie ganes de tornar a víer e vedèr-vos! Pensauetz qu’aguest an

non vierie? Donques ja sò ací!

Ètz prèsti e prèstes entà passar ua bona setmana? Coma

ditz era cançon carnaval que ja arribat damb era hèsta qu’ei tornat!

Premanitz-vos tà arrir e passar ua bona estona! Ací vos deishi era prumèra consigna:

ENTÀ COMENÇAR ERA SETMANA, DEMAN DIMARS DETH LHET QUEIRÀS E DAMB PIJAMA ARA ESCÒLA VIERÀS!

Atau que deman hèsta deth pijama ena Escòla! Enquià deman!

Dimars 18, Magrás mos arrecep ena connexion en tot dormir. Shhhhhhhhhhh! Cau hèr silenci senon se desvelharà!

Com plan ben mos didec Magràs, aué dimars toti e totes damb pijama! QUE COMENCE ERA HÈSTA DETH PIJAMA!

Aguesta ei era nòta qu’auem liejut aué:

Òòò!! Quini pijames mès divertits e caudets qu’auetz!

E que ben açò de non auer-se de vestir peth maitin ehh?

Ja è pensat qu’ei çò que vos calerà hèr deman:

Coma veigui que vos shaute fòrça açò dera ròba, deman…

DIMÈRCLES ELEGANT O ELEGANTA VIERÀS E EN UN DESFILAT PARTICIPARÀS.

Ja sabetz, a veir se me surprenetz!

Dimèrcles 19, Magràs mos arrecep en pati dera Escòla en tot portar un chapèu daurat e ua cravata.

Coma que toti e totes auem surprenut a Magràs en tot víer elgants e elegantes, auem participat en un DESFILAT. Ací auetz es fòtos:

Era nòta que Magràs mos a deishat entà deman ei era següent:

Moria, moria!

Que eleganti vos veigui a tots e a totes! Fin finau òc que m’auetz surprenut!

Donques….

EN ARMARI DE MAMA O PAPA TRAPARÀS ERA RÒBA QUE DEMAN DIJAUS TE METERÀS.

Ja sabetz, deman a hèr de “ papas” e “ mamas”!

Qué ben m’ac passaré en tot veder-vos!

Dijaus 20, Magràs mos demore ena pòrta d’entrada as classes damb ua bossa de mans e un mocador entath còth de mama e un chapèu de papa.

E guardatz coma venguerem nosati vestidi de papa e mama:

E ací vos deisham era nòta de Magràs entà deman:

Com auetz gaudit en tot campar er armari de papa e mama!

Voletz anar d’incògnit…? Donques

UN CHAPÈU E MOSTACHO DIUENDRES PORTARÀS SE NON ENA ESCÒLA NON ENTRARÀS o jo e era mèstra damb pintura ena pòrta vos demoraram e se non veiguem ne ua causa ne era auta un mostacho vos diboisharam!

Diuendres 21, coma plan ben mos didec ager, Magràs mos demore ena pòrta de entrada ara Escòla damb eth sòn chapèu e mostacho e damb uns pincèus ena pòcha entà hèr-les eth mostacho a d’aqueri que non l’an portat.

Atau que toti e totes auérem eth nòste mostacho diboishat ena cara e eth nòste chapèu metut en cap:

Era setmana ja s’acabe e toti amassa liegem era nòta que Magràs auie ena sua pòcha. Aguesta ditz:

Ebè! Que rapida mos a passat era setmana! Quini mostachos e chapèus mès originaus! Que grani vos vedetz!

Deluns, ei hèsta, mès … encara magràs non s’acabe…

ENTÀ NON DESCONECTAR DE JO DEMPÚS DE TANTI DIES DE HÈSTA, VOS DEMANI QUE DIMARS UA LATA DE REFRESC O UA AMPOLHA UEDA E UN GRAPAT DE CEDES BECUDES (GARBANZOS) O ARRÒS AURATZ DE PORTAR ENTÀ UN INSTRUMENT PODER ELLABORAR. AHHH, E UN BON ESDEJOAR EN CASA AURATZ DE PREMANIR, ENTÀ DAMB ES VÒSTI COMPANHS COMPARTIR.

Pera tarde, haram ua passejada peth pòble damb era disfrèssa que volgats en tot hèr fòrça tapatge.

Enquià dimars, qu’era dimenjada vos dongue tà hèr fòrça tracassaries!!

Dimars 25, arribe eth dia dera hèsta de Magràs. Peth maitin hèm er esdejoar compartit e eth talhèr entà ellaborar un instrument e ua masca. Pera tarde gessem ath passacarrèra peth pòble damb es nòsti instruments e un altavotz damb musica.