Òbra de teatre de P5 “The Gruffalo”

admin17/06/21  

Òla a toti e totes!

Vos volem ensenhar era òbra de teatre qu’an hèt es mainatges e mainades de P5 enes ores d’anglés.

Era istòria tracte d’un arrat que passege peth bòsc solet enquia que se trape diferenti animaus que se le vòlen minjar, mès eth ei fòrça intelligent e s’invente ua excusa molt curiosa entà espantar-les, mès… fin finau le gesserà ben?

Hètz clic ena imatge entà veir eth vidèo. Demoram que vos agrade!

Conde en inglés de P5 – The clumsy crab

admin11/01/21  

E aciu vos deisham eth teatre damb manuquetes en inglés dera mainadèra de P5. Ei ua representacion deth conde “The clumsy crab”, a on un cranc ei trist pr’amor es sues pinces non le deishen hèr vida normau, mès es sòns amics, era TURTLE, era JELLYFISH e er OCTOPUS, l’ajuden a trapar era rason entà estimar es sues pinces e eth sòn còs.

Forme part deth projècte deth cranc.

Pes qui encara non ac an vist en QR que s’emporteren ta casa en Nadau, aciu l’auètz!

Conde en inglés P3 e P4 – Have you got my purr?

Escòla Estudi Alejandro Casona11/01/21  

Mos hè molta ilusion de mostrar-vos eth trabalh qu’an hèt en inglés es mainatges e mainades de P3 e P4 pendent eth pumèr trimestradèr. Ei ua representacion deth conde “Have you got my purr?”, a on un gatet ei preocupat pr’amor non trape eth son ronroneig e le pregunte a toti es animaus dera granja, mès era responsa ei molt mès inesperada de çò qu’eth se pensaue…

Se tracte d’ua part d’un petit projècte qu’era mainadèra ei hènt sus es animaus dera granja.

Pes qui encara non ac an vist en QR que s’emporteren ta casa en Nadau, aciu l’auètz!

Demoram que l’ac gauditz! 😀

Semiam legums

Escòla Estudi Alejandro Casona09/06/20  

Era mainadèra d’Educacion Infantila pendent era darrèra setmana de mai semièren legums en coton entà dempús suenhar-les e veder-les créisher.
Ací vos deisham un petit recuelh de com ac an hèt. (clicatz dessús dera imatge)