Era practica d’orquestra escolar planificada e implementada desde era aula de musica deth nòste centre, a estat reconeishuda peth Departament d’Ensenhament de Catalonha coma practica educatiua de referencia d’innovacion pedagogica.
FELICITATS PETITI-GRANI MUSICS!
Volem arregrair era participacion actiua dera mainadèra e es familhes deth centre en aguest projecte musicau, pr’amor que sense eth vòste supòrt aguest reconeishement non auesse estat possible.
En aguest enlaç dera plana web deth Centre de Servei Educatiu dera Alta Ribagorça e Aran poiratz saber-ne més sus aguesta notícia.
Practica educatiua de referencia d’innovacion pedagogica aula de musica.
Com vedetz ei un trabalh en equipa a long plaç deth que cada dia n’arremassam es sòns fruits. Fòrça gràcies per estimar era musica en tot hèr musica.
Ara seguida vos mostraram bèri des diuèrsi actes dera escòla a on an participat es nòstes musics dera orquestra:
Eth passat 21 de març era aula de Cicle Superior participèc en un talhèr d’escriptura creatiua en tot apréner estrategies fòrça interessantes dera man deth poeta Xavi Gutiérrez, aprofiterem era ocasion entà musicar ua des sues òbres, publicada en amàs petic de “Bestiauuuu, amàs poetic de bèsties, bestiòtes e bestieses”.
En aguest enlaç poiratz vier imatges deth talhèr e tanben escotar era cançon-regal entà Xavi.
https://drive.google.com/file/d/1jXpaG903Tyc-Nr2UVJyQUxGwMDUaNlSM/view?usp=sharing
Eth passat 8 d’abriu, en tot hestejar era hèsta dera primauèra, era escòla estudi Alejandro Casona de Les presentèc as familhes er autrejament dera placa “d’Escola Verda”. Per aguesta ocasion, era orquestra de Cicle Superior, amassa damb era resta de mainadèra dera escòla, interpretèc ua composicion pròpia creada entadaguesta ocasion.
En aguest enlaç poiratz escotar era cançon, qu’es musics tanben interpreteren entath nòste convidat.
https://drive.google.com/file/d/1WGZfNWtlhdIBxW140idL6yJlZVLC-ZMd/view?usp=sharing
Demoram que gaudisquetz tant dera musica com ac hèm nosati!
SALUT E FÒRÇA MUSICA!
