Eth passat dimars 21 d’abriu, es mainatges e mainades de 3au e 4au auem començat eth Projècte Aigüeròla, ua iniciativa de sciéncia ciutadana possada peth Parc Nacionau e dirigida per Sara Arjó. Aguesta activitat, que realizam amassa damb d’autes escòles proprères ath parc, mos permet actuar coma joves scientifics entà censar e conéisher milhor es audèths que viuen en nòste entorn mès proplèu.
​Era experiéncia a estat tot un succès, auem observat de ben apròp era aigüeròla, era malharenga blua, eth pardau comun e era malharenga carbonèra. Tot e que quauqui audèths an estat mès tímids e sonque s’an deishat escotar entre es arbes.
Aguesta jornada mos a ajudat a connectar damb era biodiuersitat deth territòri e a valorar era importància de protegir eth nòste ecosistèma pirenenc.