Pendent aguest 2au trimèstre, es diuendres peth maitin mos dedicam a realizar eth Projècte d’Art, ua propòsta internivèu on anaram trabalhant diferentes tecniques a trauès de diferenti artistes.

Ena prumèra session, eth dia 9 de gèr de 2026, trabalhèrem es 7 leis der art: linha, forma, volum, valor, textura e espaci. Damb diuèrsi exercicis podèrem aquerir es diferents concèptes, en tot crear ua òbra finau e collectiva.

 

 

 

 

 

 

Entà trabalhar era linha e era forma, cada escolan diboishèc ua linha en ua huelha blanca e li passèc ath companh deth costat entà qu’aguest diboishèsse era forma desirada, a compdar dera linha. Ara seguida, trabalhèrem eth volum e eth valor en tot diboishar un cèrcle irregular que dempús auèrem de pintar de manèra degradada. Tanben trabalhèrem era textura e eth color damb diferenti materiaus que, en metér-les dejós deth papèr, aguest quedaue pintat damb diferentes formes. En darrèr lòc e entà trabalhar er espaci, hèrem ua composicion paisatjistica qu’auem exposat ena entrada dera escòla.