Era Escòla Ruda a collaborat, un an mès, damb era Marató de TV3 en tot organizar un bingo solidari qu’a auut lòc eth passat dissabte, 13 de deseme, en poliesportiu de Salardú.

Es escolans e escolanes s’organizèren entà demanar era collaboracion des establiments, comèrci e restaurants deth Naut Aran entà poder auferir cistalhes de premis enes diferentes jogades de bingo.

Mos ac passèrem fòrça ben, en tot recaptar sòs entara investigacion deth càncer. Quan acabèrem eth bingo, era AFA mos auferic còca e sucs entà vrespalhar!

Fòrça gràcies a totes e a toti pera vòsta collaboracion!