Orquèstra de Cicle Superior

admin15/06/21  

Dam per acabat aguest cors escolar ena orquèstra de Cicle Superior. A estat un an de naui aprendisatges musicaus: per prumèr viatge auem deishat descansar es nòsti instruments de vent e mos auem centrat enes instruments de còrda e tanben de percusion determinada, tanben auem dat era benvenguda a aqueri companhs de 4au qu’aguest cors an passat a formar part “dera classa des grani”. Damb tot açò, non podem èster més erosi des resultats artenhuts.

Voletz conèisher as musics dera Escòla Estudi Alejandro Casona de Les? Voletz veir e escotar com trabalham? ací vos deisham ua cançon que filmèrem hè temps en tot dedicar-la ara corau d’Iddanoa Monteleone, ua corau dera isla de Sardenha qu’a volut collaborar aguest cors damb nosati en tot premanir activitats damb er airau de musica. An acceptat entrevistar-se damb nosati e que ath delà que mos dediquèren ua cançon en dirècte en sòn concèrt de Nadau.

Fòrça gràcies as nòstes companhs e companhes, mestres e tanben familhes que mos animen dia a dia a contunhar damb era nòsta petita-gran orquèstra.

Desiram que vos agrade e qu’era musica vos acompanhe tostemps!

Salut e bona musica!

Gràcies!

ERA CORSA SOLIDÀRIA

admin28/05/21  

Eth 27 de mai era escòla Alejandro Casona hèc ua corsa solidària entà arremasar productes de prumèra necessitat tath banc d’aliments dera Val d’Aran. Entre toti podèrem arremassar 200kg de minjar e productes d’igièna tàs familhes qu’ac agen de besonh.

Guardatz eth vidèo entà veir coma mos ac passèrem de ben e tot çò qu’arremassèrem!

Cada pas compta!

admin26/04/21  

Es persones, coma es audèths, son diferentes en sòn vòl, mès egals en sòn dret a volar.

#CadaPasCompta #gentactiva #DMAF2021

Conde en inglés de P5 – The clumsy crab

admin11/01/21  

E aciu vos deisham eth teatre damb manuquetes en inglés dera mainadèra de P5. Ei ua representacion deth conde “The clumsy crab”, a on un cranc ei trist pr’amor es sues pinces non le deishen hèr vida normau, mès es sòns amics, era TURTLE, era JELLYFISH e er OCTOPUS, l’ajuden a trapar era rason entà estimar es sues pinces e eth sòn còs.

Forme part deth projècte deth cranc.

Pes qui encara non ac an vist en QR que s’emporteren ta casa en Nadau, aciu l’auètz!

Conde en inglés P3 e P4 – Have you got my purr?

Escòla Estudi Alejandro Casona11/01/21  

Mos hè molta ilusion de mostrar-vos eth trabalh qu’an hèt en inglés es mainatges e mainades de P3 e P4 pendent eth pumèr trimestradèr. Ei ua representacion deth conde “Have you got my purr?”, a on un gatet ei preocupat pr’amor non trape eth son ronroneig e le pregunte a toti es animaus dera granja, mès era responsa ei molt mès inesperada de çò qu’eth se pensaue…

Se tracte d’ua part d’un petit projècte qu’era mainadèra ei hènt sus es animaus dera granja.

Pes qui encara non ac an vist en QR que s’emporteren ta casa en Nadau, aciu l’auètz!

Demoram que l’ac gauditz! 😀