QUÉ EI ETH CONSELH ESCOLAR?

Eth Conselh escolar ei er organ de participacion des desparièrs sectors dera comunautat educativa en govèrn des centres.

QUI LO INTÈGRE?

• Era directora, que lo presidís.
• Era cap d’estudis.
• Un o ua representant/a der ajuntament dera localitat a on se trape eth centre.
• Era secretària deth centre qu’assistís tamb votz e sense vòt e exercís era secretaria deth conselh.
• Es representants e representantes deth professorat alistats peth claustre.
• Es representats e representantes des pairs e mairs o tutors/tutritz, escuelhudi respèctivament per eri e entre eri. (1 alistat pera AMPA).
• Ua representanta deth personau d’administracion e servicis, escuelhuda per e entre aguest personau.
• Enes centres especifics d’educacion especiau e enes qu’agen unitats d’educacion especiau tanben ei membre deth conselh escolar un o ua representanta deth personau d’atencion educativa.

QUINES SON ES SUES FONCIONS?

• Participar ena aprobacion deth projècte educatiu e es sues modificacions. Eth conselh escolar a d’èster consultat peth director de manèra preceptiva entà avalorar era prepausa deth projècte educatiu e manifestar eth sòn supòrt tamb ua majoritat des tres cincaus parts des membres.
• Participar ena aprobacion dera programacion generau annau, des normes de foncionament e dera gestion economica deth centre. Eth conselh escolar a d’èster consultat de manèra preceptiva entà avalorar cadua des prepauses e manifestar eth sòn supòrt per majoria simple des membres.
• Avalorar era aplicacion deth projècte educatiu e des sues modificacions atau coma dera rèsta de documents de gestion deth centre.
• Aprovar es prepauses d’acòrds de coresponsabilitat, convenguts e d’auti acòrds de collaboracion deth centre tamb entitats e institucions.
• Intervier en procediment d’admission d’escolans e escolanes.
• Participar en procediment de seleccion e ena prepausa de cessament deth director o directora.
• Intervier ena resolucion de conflictes e, s’ei eth cas, revisar es sancions ar escolanat.
• Aprovar es directritz entara programacion d’activitats escolares complementàries e d’activitats extraescolares e avalorar-ne eth desvolopament.
• Participar enes analisis e enes avaloracions deth foncionament generau deth centre e conéisher era evolucion deth rendement escolar.
• Aprovar es critèris de collaboracion tamb d’auti centres e tamb er entorn.
• Quina auta que li sigue atribuïda pes normes legaus o reglamentàries.

PERQUÉ EI IMPORTANT QU’ES FAMILHES PARTICIPEN ENES ELECCIONS TATH CONSELH ESCOLAR?

Es professionaus des centres e es familhes compartim un objectiu: eth succès sociau e personal des hilhs. Es decisions que se prenen en conselh escolar son es claus entath foncionament e era melhora deth centre e, per tant, tanben entath succès educatiu de tot er escolanat. Ei per aguest motiu qu’era participacion e implicacion des pairs e mairs enes eleccions tath conselh escolar ei tant importanta.

Quan es familhes participatz enes eleccions, balhatz supòrt ath vòste candidat e delegatz ena sua votz e vòt. Atau hètz arribar es vòstes opinions e aportacions. Ei important que participetz enes eleccions tath conselh escolar pr’amor que:

• Ètz es responsables dera formacion des vòsti hilhs e hilhes e ei important auer uns boni representants en conselh escolar que vos informen e hèsquen a arribar era vòsta votz.
• Es familhes e es docents compartim un madeish objectiu: eth succès academic, sociau e personau des hilhs. Plan per açò auem d’èster capables de trabalhar de manèra conjunta e decidir, a qué mos comprometem entà artenhé’c.
• Es familhes auetz eth dret de participar de manèra democratica ena organizacion deth centre. Aguesta ei una manèra d’avalorar era escòla e tanben contribuïtz qu’eth vòste/a hilh/a l’avalore.
• Eth succès educatiu deth/ra vòste/a hilh/a tanben depen deth foncionament e eth clima de centre. Implicar-vos en seguiment e era avaloracion d’aguest foncionament ei implicar-vos en desvolopament e creishement personal des vòsti hilhs.
• Ei era manèra de hèr a arribar era vòsta votz en tèmes que vos pòden preocupar, coma activitats extraescolares o quina ei era alimentacion qu’an de recéber en minjador escolar.
• Ei important auer ua escòla dubèrta ar entorn, que collabòre tamb es auti centres e es diferentes entitats e qu’entre toti pogatz hèr deth vòste municipi o pòble un entorn mès educatiu e coesionat. Eth consell escolar decidís quines an d’èster aguestes relacions.

COM PODETZ PARTICIPAR ENES ELECCIONS DETH CONSELH ESCOLAR?

Enes eleccions, es familhes i podetz participar de dues manères diferentes:

• Presentant-vos coma candidats entà representar es pares e mairs en conselh escolar.
• Participant eth dia qu’eth centre convòque es eleccions votant es candidats que consideretz mès representatius.