ELECCIONS CONSELH ESCOLAR 2016/17
ERA TUA PARTICIPACION EI PLAN IMPORTANTA!!
QUÉ EI ETH CONSELH ESCOLAR?
Ei un organ de participacion escolar qu´ei format:
- Equipa directiua deth centre.
- 1 representant der Ajuntament.
- 1 representant deth personau de servicis deth centre.
- 1 representant dera unitat de supòrt ara educacion especiau.
- 6 representants de pairs e mairs ( 1 alistat pera AMPA).
- 6 representants des mèstres.
QUINES SON ES SUES FONCIONS?
- Aprovar eth projècte educatiu e es modificacions corresponentes per ua majoritat des tres cincaus parts des membres.
- Balhar supòrt ara programacion generau annau deth centre e avalorar-ne eth desvolopament e es resultats.
- Aprovar es prepauses d’acòrds de coresponsabilitat, convenguts e d’auti acòrds de collaboracion tamb d’autes entitats o ben institucions.
- Aprovar es normes d’organizacion e foncionament deth centre e es modificacions corresponentes.
- Aprovar era carta de compromés educatiu.
- Balhar supòrt ath pressupòst deth centre e eth rendement de compdes.
- Intervier en procediment d’admission d’escolans e escolanes.
- Participar en procediment de seleccion e ena prepausa de cessament deth director o directora.
- Intervier ena resolucion de conflictes e, s’ei eth cas, revisar es sancions ar escolanat.
- Aprovar es directritz entara programacion d’activitats escolanes complementàries e d’activitats extraescolares e avalorar eth sòn desvolopament.
- Participar enes analisis e enes avaloracions deth foncionament generau deth centre e conéisher era evolucion deth rendement escolar.
- Aprovar es critèris de collaboracion tamb d’auti centres e tamb er entorn.
ELECCIONS TATH CONSELH ESCOLAR DETH CENTRE
An estat convocades eleccions entà pr’amor d’alistar es representants tàs conselhs escolars des centres docents publics de nivèu non universitari de Catalunya.
Vos animam a presentar es vòstes candidatures abantes deth 15 de noveme.
Es votacions deth sector pairs/mairs se realizaràn eth dia 28 de noveme, de 17 enquia 20 ores enes dependéncies dera escòla. Demoram era vòsta participacion!
Cada elector (pair e mair o representants legaus des escolans) poirà votar un nombre maxímum de tres pairs/mairs coma representants/representantes tath Conselh Escolar deth centre.
En taulèu d’anoncis deth collègi i demore expausada tota era informacion especifica d’aguestes eleccions entà que pogatz consultar çò que convengue. Eth termini entà presentar reclamacions ath recensament electorau des pairs e mairs o tutors legaus ei deth 7 ath 9 de noveme.