Peth maitin ena sala der Ajuntament d’Arties,hestegèrem eth concors literari e de diboish deth Conde ZER amassa tamb totes es escòles.Se liurèren es prèmis as guanhadors e guanhadores que  recuelhèren es sòns diplòmes e prèmis tamb illusion,emocion e suspresa. FELICIATS !! . Arregraïm tanben eth trabalh dera  rèsta der escolanat qu’a participat, peth  sòn er esfòrç e creativitat.

Mos ac passèrem fòrça ben tamb era visita deth grop d’animacion “Somriures Nòmades”, que heren a barar e cantar  tant ar escolanat coma es mèstres, en tot crear un ambient de hèsta e diversion compartida.

“Somriures Nòmades” ei ua ONG qu’a coma objectiu difóner valors coma era patz, era convivéncia, era alegror e er arregraïment.Tath sòn espectacle calie portar aliments e un desir escrit en un papèr  entà un mon milhor.

Ara fin dera activitat, se plantèc er: Arbe des Sòmis,un pomèr. Un arbe fòrça  especiau, que suenharam entre toti e totes coma un simbèu d’esperança e compromís, en tot rebrembar qu’entà hèr realitat un sòmi  s’a de suenhar entà que vage creishent.