Eth 21 de hereuèr venguec ara escòla eth Sr. Magràs e mos ac passèrem de meravilha des d’un bon començament,  pr’amor que sabiem que venguien uns dies divertits e tamb fòrça suspreses.

Enguan auem celebrat Magràs tamb tota era ZER en Salardú.Peth maitin ena escòla, gaudirem tamb un grop d’animacion que mos heren a participar en diuèrsi jòcs e activitats.En acabar, er escolanat se defressèc d’epoques istoriques e ath ritme dera musica anèrem dançant e cantant  pes carrèrs deth pòble en tot hèr ua grana rua de Magràs.

Ara tarde, tamb es familhes gaudirem dera  desfilada  que premanic  tota era mainadèra defressada de tot çò que mès les shautaue e fin finau escotèrem eth judici qu’auien premanit er escolanat de 6au.cors, a on se dividiren en grops e interpretèren  a jutges, fiscaus, avocats e testimònis en tot promòir un ambient divertit e plen d’imaginacion.