Es dies 9, 10 e 11 de mai es escolans/es dera ZER de 4au. 5au. e 6au. anèren de colònies tara “granja” de Sta. Maria de Palautordera (Montseny, Barcelona). En tot hèr un programa d’activitats emocionaus plan interessant. S’ac passèren fòrça ben!
Pendent aguest mes de mai es escolans e escolanes dera ZER Val d’Aran, auem hèt diuèrses gessudes. Ua a Aigüestòrtes entà descubrir era flòra e fauna e ua auta a Planes de Son a vèir eth centre de recuperacion dera fauna a on tanben realitzerem… Llegeix més»
Eth passat dimèrcles venguec ara nòsta classa de cicle miei Cristina Madruga, a on mos expliquèc era matèria d’ua forma molt experimentau.
Passerem ua tarde fòrça divertida!
Aguest darrèr trimèstre es escolans/es de cicle superior an començat a trabalhar un nau projècte pionèr de gestion e contròl emocionau a trauès deth teatre de conciéncia, eth projècte se ditz: EN SUS ZAPATOS ei dirigit per Pax Dettoni Serrano e implementat ena aula per Pilar Palacín. Pendent era implementacion d’aguest projècte se harà bèra charrada tàs familhes e formacion tàs mèstres, sense desbrembar-mos des mès petiti dera escòla que poderàn veir diuèrsi teatres de conciéncia emocionau que les representaràn es escolans/es de cicle superior coma resultat finau deth projècte.
Eth passat diuendres 6 de mai es escolans e mèstres dera ZER Val d’Aran participèren en aguesta amassada a on coneisheren auti escolans des escòles dera Val d’Aran e Naut Pirenèu.
Pendent eth dia heren talhèrs de sostenibilitat, exposicions sus es accions que se hèn enes… Llegeix més»
Eth diuendres 29 d’abriu toti es escolans de Cicle Superior dera Val d’Aran celebrèren ua Jornada Esportiva en Vielha organizada pes estudiants de Grad Superior d’Ensenhaments Esportius.
Pendent tot eth maitin se despartiren en grops e practiquèren diuèrsi espòrts ena capitau dera comarca.
Quan s’acabèc era jornada… Llegeix més»
Aué 22 d’abriu auem hestejat ena ZER (dempús de dos ans) Sant Jòrdi, toti amassa. A estat ua hèsta espectaculara, mos auem amassat toti es escolans/es des disparières escòles dera ZER e auem escotat un concert de Jorge Rodríguez, en tot entregar es premis dera… Llegeix més»
Eth dia 7 d’abriu hérem era hèsta dera primauera ena escòla. Toti es escolans e escolanes vegueren tàs 20.00 ores e premaniren es sòns sacs entà dromir, dempús anèrem a sopar pizza ena sala sociau. En tot recéber ua visitar fòrça especiau (bèri antics escolans e escolanes de 6au.). En acabar de sopar hérem ua activitat d’astronomia en pati, seguidament cerquèrem ueus de pasca en pati e toti pugèrem tàs classas. Es petits condèren un conde e s’anèren a dromir, e es escolans de primària vedèren ua pellicula per classas e fin finau s’adromiren.
Ath dia següent anèrem a esdejoar ena sala sociau, joguèrem e premanirem era mona per grops internivèus. Siguec fòrça divertit, sustot minjar-la!
Es escolans e escolanes dera escòla Ruda de Salardú an participat en ua arremassada benefica entà era comunitat ucraïnesa a trauèrs dera associacion “Save the children”. Era prepausa era ellaborar vira-soleis e liéger un manifest ena escòla.
Arregraïm a totes es familhes era collaboracion e participacion!
