En marc deth programa Centres en dança entara inclusion, er escolanat a contunhat  participant en diuèrses activitats entà trabalhar era diversitat, es emocions e eth sentit de comunautat.

Aciu vos deisham bères des activitats qu’auem trabalhat pendent eth cors:

Coa de serena

Visionam eth cuertmetratge Coa de serena (Alba Barbé e Sara Carri), ua istòria que tracte es estereotipes de genre e defense eth dret a decidir sense pressions.
Reflexionam e debatim sus çò que viu eth protagonista, coma se sent, quines opcions aurie pogut hèr, e com mos sentem nosati deuant situacions semblantes.

En tot sénter es emocions ena escòla

Cada espaci dera escòla pòt generar emocions diferentes as escolans e escolanes depenent des sues vivéncies.
En grops, recorrem es espacis e exprimim es emocions que mos generen damb targetes de colors (alegria, tristesa, pòur, ràbia, refús, patz).

Tornam tara classa  e mos metem en gran grop entà campar es targetes  e reflexionar sus quini espacis son mès armonics e quini calerà melhorar.

Èm ua comunautat

Era escòla ei ua comunautat a on mos relacionam damb fòrça persones e açò influís en coma mos sentem.
Caminam pera classa seguint consignes e sense parlar, en tot interaccionar damb pegasolets de colors e formes diferentes.

En grop, reflexionam sus coma volem que sigue era nòsta classa e era escòla. Finalizam era activitat diboishant un gran murau collectiu damb er ideau de comunautat inclusiua.

#centresendançatarainclusion #centresendansaperlainclusió