Activitat integrada: Era legenda de Sant Jòrdi tamb robòts

Aguesta prepausa educatiua combine dues activitats complementàries  entà trabalhar era legenda de Sant Jòrdi de manèra ludica, tecnologica e creatiua, adaptada ath nivèu der escolanat. Er objectiu ei promòir eth pensament computacionau e era capacitat de trabalhar en equipa,  en tot introdusir ar escolanat ath mon des robòts programables e deth dessenh.

Era activitat comence  damb ua introduccion ara legenda de Sant Jòrdi, explicada de manèra clara e visuau damb eth supòrt d’ illustracions. Tanben se presenten es robòts que s’emplegaràn e s’ expliquen es normes des rèptes.

Ena prumèra part, es escolans se dividissen en dus grops. Un grop utilize eth robòt Tale-Bot entà crear un recorregut damb es imatges dera legenda en orde. Eth robòt s’arture a cada scèna, a on es escolans reprodusissen ua brèu audicion explicatiua. Tanben pòden imaginar en ahíger un fin finau alternatiu ara istòria. Er aute grop trabalhe damb eth robòt Wonder Dash, en tot seguir eth recorregut dera legenda sus ua cartolina, en tot contrarotlar-lo damb ua tauleta.

Ara seguida, es escolans se premanissen entà un dusau rèpte: dessenhar e bastir un veïcul damb pèces de LEGO entà ajudar ara princessa a húger rapidament. Cada grop invente un circuït damb blòcs o pèces de construsir, bastís eth sòn veïcul e era pròva. Dempús, se realize ua competicion  entà veir quin veïcul ei mès rapid e mès creatiu.

Fin finau, se meten en comun es experiéncies e se compartissen es resultats: es recorreguts damb robòts, es audicions gravades, es solucions  e es veïculs creadi..