Es òbres guanahdores de Sant Jòrdi
01/06/26Visites dera escòla ara bibliotèca de Vielha
01/06/26I3, I4 e I5 visitèrem era Bibliotèca de Vielha eth dimèrcles 13 de mai. Kristina ja mos demoraue. Dempús d’esdejoar, era les expliquèc es normes e quina serie era organizacion deth maitin. Ara seguida mos expliquèc eth conde Istòria d’un eriçon, on i auie lèbes, arrats, esquiròs, cèrvis, teishons, audèths e tortuges… e a on les ensenhèc com víuer damb es nòsti defèctes e qualitats damb materiaus manipulatius e atractius.
Dempús herem ua ficha damb pintura a on auien de diboishar ues marietes. En acabar, liurement campèren libres, e abans de marchar les liégec un aute libre sus ua bohèra.
Es de cicle superior i pugèrem un aute dia entà realizar un talhèr de còmic. Mos ensenhèren a diboishar personatges de còmic “manga” e mos encuriosic fòrça. Mos gessèren diboishi fòrça encertadi.
E, uns dies dempús, i pugèren 4au e 5au a compartir coneishements sus era civilizacion egipcia: faraons, piramides…
Fòrça gràcies Kris, per deishar-mos passar damb tu un polit e agradable maitin ena bibliotèca, en tot apréner e compartir causes fòrça interessants.
Hèsta de Sant Jòrdi ena escòla.
12/05/26Un an mès auem compartit un polit dia de Sant Jòrdi ena nòsta escòla. Un dia a on era lectura, es libres e era part mès artistica de cadun e cadua de nosati e nosates aquerís un protagonisme especiau.
Mès non cau desbrembar era importancia dera lectura diaria, individuau, compartida, de terror, d’aventures o romantiques… Sigue coma sigue mos permet d’èster qui nosati volgam, de crear mons que mos amplissen, de convertir-mos en personatges que mos atren.
Felicitats a toti e totes pera vòsta participacion enes activitats. E gràcies as familhes que mos auetz acompanhat en aguest dia.
Mos veiram nauamens eth pròplèu an!
Era hèsta dera Mona
16/04/26Ja auem tornat des vacances dera Primauèra. Mès,a bantes de marchar, hestejèrem ena nòsta hèsta dera mona, entot elaborar-la, pintar ueus e hèr tot un seguit d’activitats ludiques entà arténher ua combinacion numerica que mos permetie daurir un còfre. Sabetz que i auie laguens? Donques es nòsti ueus pintadi. Quin tresaur!
I Recitau Infantiu de poesia.
14/04/26PRUMÈR RECITAU ESCOLAR DE POESIA EN
ARANÉS: JORNADA PLEA D’EMOCION E
CULTURA.
Eth 21de març ei eth dia mondiau dera poesia. Es mainatges e mainades d’educacion infantila e cicle
iniciau an agut eth plasèr de participar en prumèr recitau escolar de poesia en aranés.
A estat ua experiéncia fòrça enriquidora, que mos a permetut apropar-mos un shinhau mès ara lengua e
ara cultura deth nòste entorn d’ua manèra vivenciau e positiua.
Pendent era jornada, auem agut era oportunitat d’escotar diuèrsi poèmes recitadi pes pròpris
mainatges e mainades, e tanben damb era collaboracion de Xavi Gutierrez, damb un polit
poèma dedicat ara mainadèra de Les e Bossòst.
Er acte tanben a compdat damb era actuacion musicau deth grop Sarabat, en tot aportar un ambient de hèsta.
Volem dar es gràcies ath CRP dera Vald’Aran e Alta Ribagorça pera organizacion, as Ajuntaments de Bossòst e Les, a toti es que mos acompanhèren en acte e as nòsti protagonistes: es mainatges e mainades des dues escòles.
