Eth CFA Val d’Aran, plaçat des der an 2009 en Vielha, ei eth solet centre public de formacion d’adults dera
comarca dera Val d’Aran. Anticament, era escòla se trapaue en pòble d’Escunhau, en municipi
de Vielha e Mijaran, mès es installacions eren fòrça petites, totes es activitats se desvolupauen en ua madeisha aula e açò ocasionaue grani problèmes de foncionament.
En cors 2010-2011 se passèc d’ èster ua Aula de Formacion a èster un Centre de Formacion d’Adults, assolidant atau era preséncia en parçan. Ath delà se cambièc era ubicacion e amplièc es installacions.
Eth Centre se trape ena planta baisha der edifici municipau dera Carretèra del Túnel, 2, 25530
de Vielha, a on anticament se plaçaue era escòla de primària Garona, enquiath sòn traslat tà Betren en an 2007. En aguest madeish edifici se trapen ena prumèra planta es Servicis Educatius, EAP i CRP, damb qu’auem ua bona collaboracion.
